Uffg'Blues'd

Pfälzer Lied

Wonn zwää Pälzer Hännel henn
des is e wahri Frääd.
En Fremder, der voriwwer geht
vergißt soi Lebdach net,
die Wärter, die do falle
riwwer un niwwer iwwer de Disch,
die stehe in kääm Lexigon,
die sinn jo noch gonz frisch.

Horsch do mol hie, des klingt gonz pälzerisch.
Voller Witz un voller Schneid, was babblen do die Leit,
vor so ner Ausdrucksweis hot jeder Monn Reschpekt,
des is un bleibt de unverfälschde Pälzer Dialekt.

Zwää Buwe spiele Gliggerles
un krien dobei Krach.
"Du Bongert, loß moi Gligger geh',
sunschd hach isch der was uff's Dach.
Her Du mit doim Grusselkopp,
fang' der erschd doi Leis.
Wonn isch der uff de Wersching klopp,
do drehschd du disch im Kreis."

Horsch do mol hie, des klingt gonz pälzerisch.
Voller Witz un voller Schneid, was babblen do die Leit,
vor so ner Ausdrucksweis hot jeder Monn Reschpekt,
des is un bleibt de unverfälschde Pälzer Dialekt.

"Ei du Bongert, ei du schäler,
du Rindvieh, du Kamel.
Was bisch du donn fer äner,
was glotschd du donn so schääl.
Isch glaab du hoschd in doim Lewe
noch kää Konnelwasser 'xoff
wonn isch disch am Schlawittsche pack
donn saufschds awwer doch."

Horsch do mol hie, des klingt gonz pälzerisch.
Voller Witz un voller Schneid, was babblen do die Leit,
vor so ner Ausdrucksweis hot jeder Monn Reschpekt,
des is un bleibt de unverfälschde Pälzer Dialekt.

Zurück